Assam-in zirlai mipate scooter sem ve dawn
Assam sorkar chuan Class 12 board exam-a first division-a pass chin zirlai hmeichhiate hnenah lawmpuina scooter a sem hnuah, zirlai mipa ti ṭhate hnenah pawh scooter sem ve na turin ruahmanna a siam dawn.
He thu hi chief minister Sarbananda Sonowal chuan sawiin, zirlai mipaten class ṭha taka an kal theihna atana fuih phurna atan, board exam-a mipa ti ṭhate pawh scooter hi sem an tum dawn tih a sawi. Sorkar hmalakna hian zirlaite chu an zirlaiah insawrbing tura a puih ngei a beisei thu a sawi bawk. Assam sorkar hian AHSEC-a first division-a pass, zirlai hmeichhia 20,000 chuang hnenah scooter hi a sem a ni.