Manipur-ah women market pahnih siam belh dawn

Manipur chief minister N Biren Singh chuan Ningani khan khan women market, Ima Keithel tia sawi pahnih siamna tur lungphum a phum. 

Women market thar hi Imphal West district-a Sekmai leh Kanglatongbi-ah siam a ni ang. CM Biren Singh chuan women market chu hmeichhiate thuam chakna tur, eizawnna kawng siamsak tur leh an intodelhna tura hmalakna a ni thu a sawi. State chhunga district hrang hranga hetiang market 16 hi siam belh a la ni dawn tih sawiin, tunah hian state chhungah women market hi pasarih hawn a ni tawh tih a sawi. 

Imphal-a Ima Keithel hi kum 500 chuang chu hmeichhiate chauhin an enkawl niin, Asia ramah all-women market lian ber a ni. He market chhungah hian regular licence nei, hmeichhe dawr siam 4,000 vel an awm a ni.