Nagaland: NSDMA-in emergency meeting nei

Nagaland State Disaster Management Authority (NSDMA) advisor MLA Z Nyusietho Nyuthe chuan September 15 khan NSDMA Conference Hall, Nagaland Civil Secretariat, Kohima-ah department pawimawhte nen meeting neiin, ruahtui tlak tam avanga kawng chhia leh infrastructure dang a tih chhiat chungchang an sawi ho.

Meeting-ah hian Public Works Department (Roads and Brideges), PWD (National Highways), Water Resources, Public Health Engineering Department (PHED), Commissioner Nagaland, District Disaster Management Authorities (DDMA) leh NHIDCL aiawhte an tel.

Advisor Nyusietho Nyuthe chuan meeting hi kaihruaiin, state puma khuarel chhiatna thleng hrang hrang report tarlangin, kawng chhia leh infrastructure chhia report tawhte thawm ṭhat dan tur chungchang an sawi ho a ni.

Nyuthe chuan leiminin kawng a tih chhiatte siam ṭha turin hma lak vat a ṭul tih sawiin, department-te chu Chathe leh Dhansiri lui dinhmun thlithlai reng turin a chah bawk. Department hrang hrang leh NHIDCL-te chu Nagaland tlangram nena inmil, infrastructure rintlak tichangtlun turin a ngen bawk.

September 8 - 14 chhunga ruahsur nasa avangin Nagaland pumah chhiatna nasa tak a thleng a, infrastructure leh lo neihna hmunte a nghawng nasa hle a ni.