Meghalaya CM-in a cabinet siksawi

Meghalaya chief minister Conrad K. Sangma chuan a kaihhruai Meghalaya Democratic Alliance (MDA) sorkara cabinet minister a siksawi a, nimin tlai dar 5 khan Raj Bhavan-ah minister tharte lak luh nghal an ni.

CM Sangma hian Thawhṭanni tlai dar 4 vel khan governor C.H. Vijayashankar hmuin, cabinet minister lak luh tur hming a thehlut a ni. Cabinet siksawi dawn vang hian minister pariatin banna an theh lut a, National People's Party (NPP) minister pali - Ampareen Lyngdoh, Comingone Ymbon, Rakkam A Sangma leh Abu Taher Mondal, leh United Democratic Party (UDP) minister pahnih - Paul Lyngdoh leh Kyrmen Shylla Hill State People’s Democratic Party (HSPDP) minister Shakliar Warjri leh Bharatiya Janata Party (BJP) minister AL Hek te an bang.

Minister atan NPP aṭangin Wailadmiki Shylla, Sosthenes Sohtun, Brening A Sangma, leh Timothy D Shira; UDP aṭangin Metbah Lyngdoh leh Lakhmen Rymbui, HSPDP aṭangin Methodius Dkhar leh BJP aṭangin Sanbor Shullai te lak luh an ni ve thung. Cabinet hmasa aṭangin CM bakah deputy chief minsiter pahnih - Prestone Tynsong leh Sniawbhalang bakah minister Marcuise Marak te chauh an awm chhunzawm a ni.