Meghalaya : Smart City Project 78% thawk zo tawh

Meghalaya sorkarin Smart City Mission hnuaia project hrang hrang a thawh mekah kumin July thleng khan 77.81% zawh fel a ni tawh tih deputy chief minister Sniawbhalang Dhar chuan Assembly a hriattir.

Minister chuan Polo commercial complex chu tunhnaiah Union Finance Minister-in hawngin dawr 109 a awm tih a sawi bawk.

Eptu pawl hruaitu Mukul Sangma chuan Polo complex-ah quality audit neih a nih leh nih loh zawtin, Minister chuan department-in audit a neih tawh thu a sawi a, Sangma chuan Smart City project CEO-in sum tam tak a la chhuak nia sawi chungchangah Dhar chuan hriattirna mumal tak a la dawn loh thuin a chhang.

Chief minister Conrad K. Sangma chuan sorkarin building tender a siam a; mahse, tender chhangtu an awm lo tih a sawi. Tun dinhmunah thuneitute chuan dawr luah dan tur chungchangah zirchianna a nei mek a, rei loteah an tifel dawn tih a tarlang bawk.

Complex enkawltu tur chungchanga zawhna awm pawh chhangin, Chief Minister chuan sorkarin kalphung a zawm a ngai tih sawiin, sorkar chuan ṭhalai hna nei lote tan project tam tak a ruahman tih a sawilang bawk a ni.