Assam : District thuneitute leh police-te dan loa pem lut thawn kir phalsak

Assam cabinet chuan Thawhlehni khan Immigrants (Expulsion from Assam) Act, 1950 hnuaia dan loa pem lutte hren leh thawn kirna tura kaihhruaina siam, standard operating procedure (SOP) thar hman a remti. Hemi hmang hian district commissioner leh senior superintendent of police-te chu foreigners tribunal kaltlang loin state-a dan loa pem lutte thawn chhuah theihna tur thuneihna pek an ni. Tun dinhmunah chuan dan loa state-a pem lut chungchanga thubuai awmte chu foreigners tribunal-in an buaipui ṭhin a ni.