Manipur : DoNER-in hmasawnna project thawhna atan Rs vbc 6.67 pe

Ministry of Development of the North Easterm Region (DoNER) chuan Manipur-a hmasawnna hrang hrang project paruk thawhna tur atan Rs vbc 6.67 a pe chhuak tawh tih official thuchhuah chuan a tarlang.

DoNER hian Imphal East District-a Kyamgei khuaah Modern Agro Market Complex sakna tur Rs 1.15,05,000 a pe a, Senapati district headquarters-a Senapati District Village Chief Association cultural hall-cum multipurpose building sakna tur Rs. 92,00,000 a pe tawh bawk.

State sum leh pai lama hmasawnna leh eizawnna ngelnghet neih theihna tura hmalaknaah, Integrated Farming System Model Demonstration kalpui nan Rs 37,50,000 a ruahman bawk a, hei bakah ministry chuan Kangpokpi district-a Indira Gandhi National Tribal University, Regional Campus Manipur (IGNTU-RCM)-a Multi-Facility Centre sakna tur Rs 1,47,00,000 a pe chhuak bawk a ni.

Tangkhul Headman Guest House-cum-Administrative Building, Ukhrul district-a sakna tur Rs 76,00,000 ruahman niin DoNER hian Shillong, Meghalaya-a Heritage Complex, Rajbari infrastructure thuam ṭhatna tur Rs 2,00,00,000 a pe chhuak tawh. He hmun hi Manipur Maharaja hmun a ni.