Nagaland : MP-in BSNL Telecom Advisory Committee kaihruai

Nagaland-a Rajya Sabha MP Phangnon Konyak leh Lok Sabha MP S. Supongmeren Jamir-te chuan August 28 khan Dimapur-ah BSNL Nagaland Business Area-a Telecom Advisory Committee (TAC) meeting an kaihruai. State chhunga khawpui leh thingtlangah pawh telecom service ṭha neih a pawimawh thute an sawi.

Konyak chuan India rama digital ṭhanlenna kawngah BSNL chuan chanvo pawimawh tak a neih thu te, sorkar office thleng pawha inthlunzawmna leh inbiakpawhna siam kawngah a thawh hlawk thute a sawi. Telecom service ṭha chu khawpuiah chauh ni loin, thingtlang khaw hrang hrangah pawh in ang tlang taka an hman theihna tur chu ngaih pawimawh a ṭul thu a sawilang bawk.

Jamir chuan BSNL-in state chhunga infrastructure leh inbiakpawhna an siamte chu uluk taka endik fo turin a ngen. Nagaland pumah network coverage intluk tlang tak an hman theihna turin official-te a ngen a ni.

MP pahnihte hian telecom infrastructure rintlak leh man tlawm zawk pek chhuah kawngah leh, Nagaland hmasawnna leh digital lam chawikanna atan BSNL pawimawhnate an sawi bawk.