Manipur : Governor-in ambulance hlan

Manipur governor Ajay Kumar Bhalla chuan Ningani khan Indian Red Cross Society (IRCS), Senapati District branch hnenah ambulance a hlan.

Governor chuan hemi ni vek hian Raj Bhavan-ah meeting kaihruaiin, state puma healthcare thuam chakna tur sawi ho a ni. Meeting-ah hian state health mission society team chuan Pradhan Mantri Jan Arogya Yojana (PM-JAY), Chief Minister’s health scheme, Chief Minister-gi Hakshelgi Tengbang (CMHT) tia hriat lar leh Manipur Health Services (MHS) kalpui dan kimchang presentation an nei a ni.

Sawi hona an neih pawimawh zingah sum leh pai lama inthlauhna chinfel leh, khawtlang mite tana healthcare man tlawm leh ṭha zawk neihna tura hmalakte pawh a tel. Governor thupuangtu chuan thuchhuah siamin, Governor-in official-te chu scheme ṭha taka kalpui a nih theihna tura hma la turin a hriattir tih a tarlang a, healthcare ṭha zawk dawng turin mi tu pawh hmaih bik an awm tur a ni lo tih an sawi.

Meeting-ah hian additional chief secretary (finance) Vivek Kumar Dewangan, governor secretary Sumant Singh leh Health Department officer-te leh mi pawimawh eng emaw zat an tel.