Manipur : Naupang bo pathum chhan chhuak

Manipur-a Chandel district, Hringphe khuaa Oriental Children's Home aṭanga naupang bo pathumte chu Assam Rifle leh Manipur Police bakah Border Security Force thawkho chuan an chhan chhuak.

Naupang pathumte hi fahrah enkawlna hmuna awm an ni a, August 16 tlai lam dar nga velah an bo thu report a ni. Chakpikarong Police Station chuan district puma security agency an hriattir nghal a, Assam Rifle-te pawhin zawn hna hi thawk ve nghalin, night vision device hmanruate nen helai khua leh a chhehvel ramhnuaiahte ngawrh takin an zawng a ni. August 26 zan dar 9:20-ah naupang pahnih chu hmuh niin, an chenna hmunah him taka hruai kir an ni a, August 27 zing dar 5-ah mipa naupang pakhat chu ramhnuaiah hmuh leh niin, him taka hruai haw a ni ve leh.

Mipa naupang pathumte hi Chakpikarong Police Station-ah dah an ni a, Imphal-a Children Welfare Centre chuan an buaipui chhunzawm dawn a ni.