Manipur : CS-in Anganwadi Centre 13 hawng

Manipur chief secretary Puneet Kumar Goel chuan Senapati district-ah Taphou Naga-ah Pradhan Mantri Dharti Aaba Janbhagidari Abhiyan (PM DAJA) leh Pradhan Mantri Janjati Adivasi Nyaya Maha Abhiyan (PM JANMAN) hnuaia Anganwadi centre (AWC) sak thar 13 chu Inrinni khan a hawng.

Hawnna inkhawmah hian Senapati deputy commissioner Mamoni Doley bakah Taphou Naga Village district official-te chuan an bial chhunga hmasawnna an thlen avangin lawmthu an sawi. AWC sak tharah hian official-te chuan thing an phun nghal bawk.

PM JANMAN hnuaia tribal dinhmun khirh zawkte tana AWC hawn thar 13-te hi Maram hnam peng zinga Sadim Taksagalung, Taklung, Naojai, Ngzamkhi, Maram Bazaar Baptist Kohhran, Kalambam, Kadoilamduikong, Maralong-A, Maralong-B, Ntazang, Taphou Naga C, Sadim Naga, leh Rangalung-te tan bika ruahman a ni.

Chief Secretary chu Maram hnam hruaitute inbiakna a neihpui a, hemi hnu hian DC office-ah district-level officer leh civil society organisation-te nen inkawmna hun an nei bawk. Mao Football League vawi 3-na final match, Kalinamei FC leh Song Song FC, Asufii Football Academy Ground-a neihah pawh a telpui bawk a ni.