Manipur Governor-in Nagaland Governor hna hmui dawn

Nagaland Governor La. Ganesan (80) chu August 15 khan a thi a, hei vang hian Manipur Governor Ajay Kumar Bhalla chuan Nagaland Governor hna chu a lo hmui rih dawn.

Nagaland governor Shri La Ganesan-a thihna avangin India President chuan Manipur governor Ajay Kumar Bhalla chu Nagaland Governor hna chelh hmui tura ruat a ni tih thuchhuahah a tarlang a ni.

Governor-in 'Krishna Tattva' seminar hawng

Manipur governor Ajay Kumar Bhalla chuan Inrinni khan Krishna Janmashtami pualin, Imphal-a Sri Sri Radha Krishnachandra Manimandir (ISKCON Temple)-ah 'Krishna Tattva - Character Building' tih thupui hmanga seminar neih hmasa ber a hawng. Governor hi a nupuiin a ṭawiawm a ni.

He hunah hian Governor Bhalla chuan souvenir ti chhuakin, official ISKCON website a hawng bawk. Governor chuan seminar pawimawhzia sawilangin, hun kal tawha mihring hlutna, ngilneihna, thianghlimna, tharum thawhna tel lo, leh lainatnate in hrilhhriat nawn leh a pawimawh thu a sawi.Manipur-a Lord Krishna zirtirnain nunphung leh thlarau lamah nghawng thuk tak a neih thu sawiin, hei hian hun rei tak chhung helai bialah hian themthiamna, inpekna leh nunphungah nghawng ṭha a nei tih Governor chuan a sawi bawk.