Meghalaya : CM-in E-Championship Challenge 6.0 tlangzarh

Meghalaya chief minister Conrad K. Sangma chuan Independence Day khan E-Championship Challenge vawi rukna a tlangzarh. Hei hi state chhunga entrepreneur beiseiawm tak takte zawn chhuahna niin, hmasawnna kawnga ke pen thei leh, harsatna engpawh hmachhawn thei tur bakah state economy tidanglam thei tur zawn chhuahna a ni.

PRIME (Promotion and Incubation of Market-driven Enterprises) hmalakna hnuaia buatsaihah hian industry expert, founder hlawhtling, sorkar official, leh zirlai hruaitute lakah endikna khauh taka neih a nih hnuah, diltu 150 aṭangin entrepreneur 75 lak an ni ang.

Entrepreneur thlan chhuahte chu PRIME buatsaih, thla kaw chhung awh tur intensive incubation programme-ah tel tir an ni dawn a, startup zinga 35 te chuan an sumdawnnaa ṭanpuina Rs nuai hnih ṭheuh an dawng dawn a, a dang 40 te hnenah Rs nuai khat pek an ni bawk ang.

Full incubation atana thlan loh early-stage venture-te chuan an sumdawnna tihchakna atan pre-incubation thlawpna an dawng dawn a, heta hlawhtlingte hian Meghalaya sorkar leh IIM Calcutta Innovation Park ṭangkawp chuan certificate an hlan dawn a ni.