Meghalaya: EC-in NEP 2020 mil tura siamṭhat ngaite theh lut

Meghalaya State Education Commission (MSEC) chuan state-a zirna kalpui dan chu National Education Policy (NEP) 2020 nen inmil tura siamṭhat ngaite a tarlanna chu Nilaini khan state sorkar hnenah a theh lut.

Report hi educator, professional, leh zirtirtu pawlte biakrawn an nih hnua siam a ni a; sikul hmasawnna, zirna sang zawk siamṭhatna, zirtirtu training, zirlai performance, leh sector pumpuiah zirna kalpui dante siamṭhat rawt a ni.

Chief minister Conrad K Sangma chuan rawtnate hi commision-in kum hnih chhung rim taka an zirchianna, thil felhlel awmte dap chhuak a, a chinfel dan tur an duante aṭanga siam a ni tih a sawi.

MSEC hi kum 2022, November thlaa cabinet resolution siam hmanga din a ni a, July 2023-a puan chhuah niin August 2023 aṭangin hna an thawk ṭan a ni. Zirna siamṭhat a nih dan turah nasa taka hmalain, state pumah ngaihtuahna ṭha tak tak a chhuak tawh tih official-te chuan an sawi. CM Sangma chuan rawtna siamte hi state leh union education minister Dharmendra Pradhan-te hnenah hriattir an nih thu sawiin, ngun taka ngaihtuah a ni dawn tih a sawi a ni.