'Best Active MP' atan Assam BJP leader Dilip Saikia thlang

BJP national general secretary leh Assam MP, Dilip Saikia chu Fame India-Asia Post 2021-in survey a buatsaihah 'Best Active MP' atan thlan a ni. 

17th Lok Sabha member 543 aṭangin category hrang hrangah Best MP 25 thlan chhuah a ni a, Assam-a Mangaldoi constituency aṭanga Lok Sabha member atana thlan, Dilip Saiki hi 'Best Active MP' thlan a ni ta a ni. Saikia hi a ṭum khatna atan Parliament member turin kum 2019 khan thlan tlin a ni. 

Union sports minister Kiren Rijiju, Assam minister Himanta Biswa Sarma leh Assam-a BJP hruaitu hrang hrangte chuan Saikia hi lawmpuina an hlan a, Assam leh hmarchhak bial tana mi chhuanawm tak a nih thu an sawi.