Manipur : 112 Bn CRPF-in 'Har Ghar Tiranga' campaign hawng

Manipur-a Central Reserve Police Force (CRPF) 112 Battalion, Kangpokpi District Headquarters chuan ram hmangaihna leh inpumkhatna tihchakna atan 'Har Ghar Tiranga' campaign an kalpui. Mipuite chu Independence Day vawi 79-na thleng turin pualin an chenna inah hnam puanzar tar vek turin an chah.

Campaign hawnnaah hian tualchhung mi, zirlai leh khawtlang mipui an tel ṭha hle. He hmalakna hi ram pum huapa hmalakna pakhat niin, mipui zingah hnam chhuanawmna chawilar thar leh a, hnam puanzar pholang tura infuihna a ni.

He campaign hian nghawng zau zawk a neih theihna atan, 112 Bn CRPF chuan Kangpokpi Sports Complex-ah Peace and Friendship Men Volleyball Tournament an buatsaih mek a, infiammite leh a entute pawhin phur takin hnam puanzar an keng lang a ni. He huna telte hian helai biala remna siam kawnga hmalakna kalmek an thlawpnate an tilang bawk.

CRPF official chuan campaign an kalpui mek chu ṭhalaite leh thingtlang lama ram leh hnam hmangaihna tuai thar lehna hun a nih thu sawiin, Independence Day a hnaih tawh avangin CRPF chuan 'Har Ghar Tiranga' campaign hmangin inpumkhatna, ram hmangaihna leh khawtlang mite tihhmasawn a tum chu a sawi.