Tripura CM-in kawng siam ṭhatna tur sanction

Tripura chief minister Manik Saha chuan an state-a infrastructure, inkalpawhna kawng leh mipui hriselna tihchangtlunna tur hmasawnna project atan Rs vbc 87 chuang a sanction tih Chief Minister Office (CMO) thuchhuah chuan a tarlang.

Agartala Municipal Corporation (AMC) ward eng emaw zatah RCC cover drain leh kawng siamna tur project Rs vbc 32.33 man sanction a, hei bakah sub-division 12 huamchhunga PMGSY kawng 27 siamna turin Rs vbc 55.16 sanction a ni bawk, PWD hnuaia kawng siam tur hian km 129.5 a thui a huam dawn tih CMO chuan a sawi.

He hmalakna hmang hian Sonamura, Bishalgarh, Teliamura, Mohanpur, Udaipur, Amarpur, Sabroom, Belonia, Ambassa, Kamalpur, Kanchanpur leh Kailashahar sub-division-ahte Durga Puja hmain hna thawh a ni ang.

Chief Minister chuan Ningani khan senior official-te nen meeting neiin hmasawnna tur hrang hranga hnathawh tur awmte an sawi ho a, hma an lo lak tawhnate ennawn a ni bawk. Official-te chu a hun taka an hna thawhte zo fel tura hriattir an ni, tiin chief minister chuan a social media Facebook-ah thuchhuah a siam.