Tripura : Private Medical Officer kaihhruaina thar siam

Tripura sorkarin Tripura Health Services (THS) hnuaia medical officer, Non-Practicing Allowance (NPA) aia private practice thlang zawkte tana kaihhruaina thar a siam chu Govenor chuan a pawm.

Sorkarin thupek siam tharah hian THS medical officer, private practice/private clinic nei duhte tan dan khauh thawkte tan dan khauh tak siam a ni. Medical officer-te chu an thawhna health institution-a Out-Patient Department (OPD)-a hna thawh hun chhungin an mimal hna/clinic lam an buaipui tur a ni lo. Sorkar hmun, an chenna leh sorkar quarters dangahte pawh private practise an tih phalsak an ni lo bawk. Hei bakah doctor-te chu officer's headquaters emaw, official-a an post-na hmun aṭanga km riat aia hlaah clinic an neih phalsak an ni lo bawk.

Health & Family Welfare Department chuan inkaihhruaina hi zawm ngei turin a hriattir. Dan bawhchhiate chu service regulation hman mek hnuaiah hrem theih an ni dawn a ni. THS hnuaia medical officer zawng zawngte chu inkaihhruaina dan thar hi zawm a, hna ṭha taka thawk turin a ti.