Manipur: Rural Roots Market hawng

Manipur-a Depart­ment of Rural Development leh Panchayati Raj hnuaia Manipur State Rural Livelihoods Mission (MSRLM) chuan Thawhṭanni khan Bishnupur district-a Leimapokpam-ah 'Rural Roots Market' hmasa ber an hawng.

Rural Roots Market hi Self Help Group (SHG) member-ten an thil siam chhuah hrang hrang leh thlai leh thei an tharte an hralh chhuahna tura tih a ni. He hmunah hian wholesale rate in an pe chhuak dawn a ni.

Skill,Labour, Employment & Entreneurship and State Mission director N. Bandana Devi chuan hun rei tak an lo nghah tawh tihhlawntlin a ni ta chu lawmawm a tih thu a sawi. 'Rural Roots Market' ah hian SHG member-te thil lei duhtute tan a siamtute nen awlsam takin an in dawr thei tawh dawn a, sum lak luh a tihpun dawn bakah an thil siam chhuah zau zawka hralh chhuahna kawngah a pui dawn a ni, a ti.

Bishnupur deputy commissioner leh district mission director of MSRLM Pooja Elangbam pawhin hetianga hmeichhiate tana hmalakna hian economy mai bakah khawtlangah an chanvo chawikanna atan a pui thei a ni, a ti. SHG thil siam chhuahte chu ram pum leh rampawn market-ah hralh theih a la ni dawn tih sawiin, hmeichhiate chu lungrual taka hna thawka inpui tawn zel turin a fuih bawk.