Assam CM-in Uriamghat tlawh

Assam chief minister Himanta Biswa Sarma chuan tun hnai khan dan loa sorkar ram luah sawnchhuah hna kalpuina tura tih,Uriamghat tlawhin, helai huamchhunga dan phal loh thil hluar ta lutuk chu ngaihven a ṭul tih a sawi. Uriamghat-a cheng tualchhung mipuite chuan ruihhlo zawrh, lirthei ruk leh dan phal loh ralthuam kawl an tam tih an hrilh thu CM Sarma chuan tarlangin, sorkar ram luahtute zingah pawikhawih ṭhin an tam tih a sawi bawk.

Chief Minister hi Vidyapur, Assam-Nagaland ramri bulhnaiah helicopter-in a thleng a, drone hmangin aerial survey an nei bawk. Aerial survey aṭangin ramhnuai hmun zau tak chu dan phal lohin kuhva kung chinnan an hmang tih hriatchhuah a ni. Sarma chuan dan phal loha sorkar ram luahte hi tam tak an awm a, a damchhungin Chief Minister nihna chelh pawh ni mah se, sawnchhuah zawh theih an nih a rin loh thu a sawi.

Cachar, Sribhumi, Dhubri, Barpeta, Nagaon, Hojai leh Morigaon district-a mite Uriamghat-ah hian an inbengbel tih CM Sarma chuan sawiin, Bihar aṭanga pemlut pawh an awm tih a sawi a, district hruaitute chuan helai hmuna chengte nihna kimchang an hriat a ṭul tih a tarlang. Helaia chengte hming leh an veng an lakkhawm hnuah khua leh tui diktak ni lo chu sawnchhuah an ni dawn tih a tarlang.