Arunachal-in best adventure tourism destination award dawng

28th July, 2025

India International Travel Mart (IITM) Awards 2025, Bengaluru-a neihah Arunachal Pradesh chuan Best Adventure Tourism Destination Award a dawng.

Arunachal Pradesh hian an state mawinate chu tourism chawi larna atan a hmang thiam hle a, kawng hrang hranga an hmalakna avangin India rama pawh adventure tourism lama a hma hruaitu zingah a tel tawh a ni. India ram tourism industry-ah pawh hriat a hlawh chho tawh hle a ni.

Adventure tourism chawi larna kawngah tualchhung mipui, tourism professional bakah state roreltute pawhin theihtawp an chhuahin an ṭangrual hle.

Bengalur-a award semnaah hian tourism stakeholder lian tam takte an tel a ni. India International Travel Mart (IITM) Awards hi India ram chhunga travel and tourism industry-a hnathawk ṭha leh chhinchhiah tlakte hnena pek ṭhin a ni.