Meghalaya : Shillong-in Ropeway nei dawn

Meghalaya khawpui, Shillong-ah khualzin tam zawk hipna turin ropeway, khualzin tlawh tamna hmun pawh vek thei tur siam a ni dawn tih Meghalaya Tourism Development Corporation (MTDC) chuan a puang.

Ropeway hi km 2.1 a thui a ni dawn a, Madan Laban aṭanga Shillong Peak a thlunzawm dawn a, Police Bazar, Golf Course leh Wards Lake te pawh tlawhpawh theih tura beisei a ni. He project hi Rs vbc 175 senna tura ruahman niin, president Droupadi Murmu chuan January 16, 2025 khan a lo hawng tawh a ni. Project hi Meghalaya Ropeway Development Authority in a buaipui dawn a, France company Pomagalski A.A. (POMA) nen an thawk dun dawn a ni.

Ropeway thar tur hi khualzinte tan a ṭangkai dawn hle a, state mawinate chu zau zawkin an hmuh theih dawn bakah, lirthei tam lutuk avanga khawpui tawt taka inhnawh a ngai tawh dawn lo a ni. Ropeway bakah sorkar chuan eco-tourism resort leh skywalk chu Mawkdak viewpoint-a siam turin ruahmanna an siam mek bawk.