Sikkim : Patel Engineering-in Teesta-V Project thawk dawn

Sikkim-a Teesta-V hydroelectric project, Rs vbc 239.98 man hu thawk turin National Hydroelectric Power Corporation (NHPC) chuan Patel Engineering Ltd (PEL) a thlang. He thu hi company chuan Zirtawpnia regulatory filing an neihnaah an puang.

Contract-ah hian diversion tunnel awmsa cji tunnel spillway system-ah siam tur niin project-ah hian package paruk a awm. NHPC Teesta Stage-VI HEP (Hydroelectric Project) hi run-of-river (RoR) scheme niin, Sirwani khua Sikkim-a awm a ni a, thla 18 chhunga zawhfel hman tura ruahman a ni.

Patel Engineering hian thla hnih liamta khan City and Industrial Development Corporation of Maharashtra (CIDCO)-in Kondhane Dam project thawhna tur, Rs vbc 1,318.89 contract a lo hmu tawh bawk He contract hi civil work lian tham, Karjat taluka, Raigad district, Maharashtra-a thawh tur a ni. Kondhame tuikhuah hi meter 1,209 a zauh tur a ni a, a sei zawng leh san zawng hi meter 83 a ni dawn tih company thuchhuah chuan a tarlang.