Assam: Goalpara-a buaina chhuakah mi pahnih thi

Assam-a Goalpara district, Muslim chen tamna hmunah Ningani zing khan police leh helai hmun aṭanga sawn chhuahte inkarah buaina chhuakin, mi pahnih an thih bakah mi dang eng emaw zatin hliam an tuar. He buaina hi Paikan Reserve Forest, Meghalaya ramri bulhnaia thleng a ni.

Offcial-te chuan police leh forest department team ṭangkawp chuan reserve area-a chengte sawn chhuah hna thawkin, buaina a chhuah chhunzawm tih an sawi. Mi sawnchhuah tawh, puanin siamchawpa khawsa mekte chuan police-te hi beiin, police-te hian an bei let a, silai pawh hmehpuah a ni bawk.

Buaina chhuakah hian mi pahnih an thi a, security zinga panga emaw paruk emaw pawhin hliam an tuar. Buaina chhuahna hmunah hian security force tirh belh an ni nghal bawk.

Reserve area-a chengte sawn chhuah hna hi Muslim chen tamna district dang Dhubri-ah pawh kalpui mek a ni. Khaw pathum huam chhunga sorkar ram bigha 3,500-a zauah chhungkaw 1,069 an cheng tih thuneitute chuan an sawi.

Chief minister Himanta Biswa Sarma chuan sorkar chuan kum 2021 May thla aṭang khan dan loa luahtu, forest leh sorkar ram square km 160 huam chhunga chengte chu chhuah tir an ni tawh tih sawiin, hetih lai hian dan loa luah hi ram bigha 63 chuanga zau a la awm a ni, a ti.