Nagaland : Dy CM-in chhiatna thlenna hmun a tlawh kual

Nagaland chief minister Yanthungo Patton chuan Inrinni khan Dimapur, Niuland, leh Chümoukedima district-a tun hnaia ruahsur nasa avanga tuilianin chhiatna a thlenna hmunte a tlawh. Tualchhung mite hmuin, official-te nen chhiatna thlen dante an enfiah bawk.

Patton chuan tuilianin harsatna a thlente chu pawia tih thu sawiin, sorkar chuan harsatna tawkte chhawmdawl a, nunphung pangngai anga an awm leh thuai theihna turin theihtawp a chhuah a ni, a ti. Tualchhung mite chu fimkhur tura chahin, official-te thurawn pawh ngaichang leh zawm turin a ngen.

Nagaland-ah hian tun hnaiah ruahsur avangin hmun hrang hrangah tuilianin chhiatna a then a ni. Tuilian hian infrastructure eng emaw zat a tih chhiat bakah, inkalpawhna lam thleng pawhin harsatna an tawh phah bawk.