Manipur: Arambai Tenggol member paruk man

Manipur police-te chuan Meitei pawl Arambai Tenggol (AT) Meitei member parukte chu thla hmasaa Bishnupur district-a police pakhat an beih avangin an man. AT member an mante bakah he inbeihnaa inhnamhnawih mi pahnih man belh bawkin, an vaiin pariat man an ni tawh.

He inbeihna hi June 9-a AT hruaitu man a nih avanga shutdown an puan laia thleng a ni. Nilainia police thuchhuahin a tarlan danin, AT member-te hi Imphal West district aṭangin pali leh Bishnupur district aṭangin pahnih an man. Police-te chuan police officer hi bandh huaihawt a nih lai hian AT member nia hriatte chuan an beih rawn tih an sawi.

Imphal West district aṭanga an mi mante hi Laishram Sanahal Singh, 26, Laishram Rishikanta Singh, 20, Laishram Premchand, 18, leh Sarangthem Rabichandra, 28 te an ni a, Bishnupur aṭanga an mi mante hi Kangabam Nongdamba Singh, 23, leh Yumnam Jaswant Singh, 22 te an ni. Police chuan Bharatiya Nyay Sanhita (BNS)-a section hrang hrang hnuaiah thubuai an siamsak nghal a ni.