Arunachal Pradesh-a dan loa pem lutte sawn dawn

Arunachal Pradesh sorkar chuan an state-a dan loa pem lutte chu detention center-a sawn turin a rel. Hei hi document nei lo ram pawn lam mi state chhunga pem lut tam zel chungchanga beihpui thlakna tura tih a ni.

He thutlukna hi Thawhlehnia home minister Mama Natung kaihhruai high-level meeting neihnaah siam a ni. Meeting-ah hian district hrang hranga deputy commissioner-te leh police superintendent-te an tel a, All Arunachal Pradesh Students’ Union (AAPSU) aiawhte pawh an tel ve bawk.

Home department chuan ni 20 - 25 liamtaa an dinhmun chipchiar takin a enthlithlai tih Home Minister chuan a sawi a, district official-te hnenah thupek pawh chhuah a ni tawh tih sawiin, meeting-a an sawi ho zulzuiin ram pawn lam mi zawnchhuah hna thawh ṭan a ni dawn tih a sawi.

He hmalakna hi document nei lo, Bangladesh mi leh Chakma-Hajong hnam, state-a awm an tam lutuk avanga hun rei tak buaina an neih tawh tih tawpna tur atana ruahman a ni.