Tripura : CM-in ambulance 16 vailiam

Tripura chief minister Manik Saha chuan Nilaini khan Swami Vivekananda maidan-ah basic life support system-a thuam ambulance 16 a vailiam.

Heng ambulance-te hi Police leh Fire & Emergency Services Department hman tur a ni a, kawnga chetsualna thlen palh pawha rang taka chetsualna hmun thlen a, emergency service kalpui a nih thuai theihna tura ruahman a ni.

Transport minister Sushanta Chowdhury pawh he hunah hian telin, sorkarin campaign a kalpui mek "Save Drive Save Life" hmalakna peng pakhat hnuaiah heng ambulance tehi sem a nih thu a sawi. Minister chuan kawngpuia chetsualna thleng avanga thihna thleng ṭhin tih tlem leh, a hun taka tawhsual tawkten enkawlna an dawn theihna tura emergency infrastructure tih changtlun a nih tih a sawilang bawk.

Ambulance-ah hian tracking system dah niin, public transport lirtheite an enthlithlai thei dawn a ni. State chhunga mipui, lirthei hmanga veivakte venhimna atana ṭangkai tak a ni dawn a, official-te chuan he technology hi emergency service leh damdawi-in ten a hun taka hna an thawh theihna tura puitu a nih an beisei thu an sawi.