Meghalaya : Assam aṭangin khaw panga la let dawn

Meghalaya chuan Assam nena ramri buaina an la neiha inremna an siam turah Assam-a Ri-Bhoi district aṭangin khaw panga an la let leh dawn tih a sawi. State pahnihte hian August 15 hmain ramri buaina chinfelna turin Memorandum of Understanding (MoU) ziah an tum thu an sawi a ni.

Rorellai, Meghalaya Democratic Alliance (MDA) thupuangtu leh cabinet minister Paul Lyngdoh chuan Zirtawpni khan thuchhuah siamin, August 15 hmain Assam sorkar nen MoU an ziah tur thu leh, ziahfel a nih hunah khaw pangate chu Meghalaya lamah an bet dawn tih a sawi. Inbiakna an neih mek pawh a ṭha lam a nih thu sawiin, thutlukna an siam thuai a beisei tih a tarlang bawk.

Assam leh Meghalaya hian kum 50 chhung ramria buaina an neihna, hmun 12 zinga hmun parukah chuan kum 2022 khan union home minister Amit Shah hriatpuinain inremna an lo siam tawh a ni. A bakah hmun paruk danga buaina pawh an chingfel hnai tawh bawk.