India rama ziak leh chhiar thiam vekna state pathumna Tripura

Tripura chuan Mizoram leh Goa hnung zuiin, India rama ziak leh chhiar thiam vekna state pathumna an ni dawn tih June 22 khan state education department senior official chuan a sawi.

Official thuchhuahin a tarlan danin, vawiin Thawhṭannia Rabindra Shatabarshiki Bhawan-a hun hman turah chief minister Manik Saha chuan he thu hi a puang dawn a ni. Ziak leh chhiar thiam vekna state-ah Tripura chu pahnihna tur ni mah se, sorkar lam aṭanga thil tihfel loh a awm avangin pathumna an nih dawn tak thu official chuan a sawi bawk.

Hmasawnna tur project tlangzarh

Tripura chief minister Manik Saha chuan Zirtawpni liam ta khan South Tripura-ah hmasawnna hna thawhna tur project 19 a tlangzarh. Heng project-te zirna, healthcare leh administrative infrastructure tih changtlunna tur niin senso tur hi Rs vbc 30 vel nia chhut a ni.

Project thawh tur pawimawh zingah hian sikul building sak thar leh zirna in tam zawkah Vidyajyoti Scheme hnuaia science laboratory dah te a tel. Healthcare sector-ah Muhuripur-a Primary Health Centre (PHC) khum 20 awmna tur pawh peihfel a ni tawh a, Maichara PHC-a Public health Unit pahnih leh Manubankul CHC-ahte medical service ṭha zawk kalpui a ni dawn bawk. Tualchhung inrelbawlna tih changtlunna atan Maichara, SBC Nagar, Radhanagar, Matai, Jolaibari, Baikhora, leh Bhuratali-ah te Tahasil Kachari (T.K) office hawn a ni dawn.