Assam leh Bhutan tour operator thawk dun dawn

Assam leh Bhutan-a tour operator te chu cross-border tourism tih chak tumin an thawkdun dawn. He thawhdunna hian Himalaya khawchhak lam ram a thlurbing dawn tih Inrinnia thuchhuah an siamah an tarlang.

Royal Bhutanese Consulate General, Guwahati sawm angin Zirtawpni liam taa Samdrup Jongkhar-a Tour Operators Association of Assam (TOAA) general body meeting neihah hemi chungchang hi sawi ho a ni.

Meeting-ah hian TOAA member 100 chuang an tel bakah, Bhutan-a tour operator, hotelier leh tourism official-te an tel tih TOAA thuchhuah chuan tarlangin, cross-border tourism chawikan an tum tih an sawi bawk. He hunah hian TOAA newsletter "Tea Break' tih an tlangzarh bawk a, Assam leh Bhutan-a tourism hmasawnna tur leh a theihna hrang hrangte tarlan a ni.

Convention-ah hian Assam sorkar tourism department aṭangin Commissioner leh Secretary te an tel a, Bhutan National Assembly-a eptu hruaitu, Royal Bhutanese Consul General leh Samdrup Jongkhar district hruaitu aiawhte bakah midang enge maw zat an tel bawk.

TOAA-in cross-border tourism tih changtlunna Bhutan-a tourism stakeholder leh policymaker-te nen thawh hona ṭha tak siam a tum chu meeting-a telte hian ṭha an ti tlang hle tih an thuchhuah chuan a tarlang.