State Bank of Sikkim-in Himalayan Zoological Park tan pawisa hlan

State Bank of Sikkim (SBS) chuan kumtin, 'My Child From Wild' hmalaknain Himalayan Zoological Park (HZP), Gangtok-ah Rs nuai 5 a hlan ṭhin dawn tih a sawi.

Park tana kumtin c­hhawmdawlna an pek dawn avangin SBS chu HZP adoption family-ah telh an ni dawn a ni. SBS Corporate Social Responsibility (CSR) programme hnuaiah he sum hmanga puihna hi hi kalpuiin ramngaw leh ramsate chenna hmun venhimna tura tih a ni. HZP official-te chuan SBS managing director Phurba Wangdi Bhutia hnenah lawmthu an sawi.

Bhutia chuan chief minister Prem Singh Tamang hmathlir leh kaihhruaina hmangin bank system tunlai zawk leh changkang zawka siam a nih tur thu a sawilang. Banking pawimawhna sawiin, mipui economy tih chak leh ṭhalaiteah thawhrimna, tum ropui tak neia an thiamna leh theihnate state hmasawnna leh danglamna thlentu atana hmang turin a fuih.

Himalayan Zoological Park hi kum 1997 a din a ni a, hectare 230-a zau niin, ramsa chi hrang hrang 19 an awm. 'My Child from Wild' programme hnuaiah ramsa 85 te chu lak (adopt) theih an ni ang. He hmalakna hi mipui vantlang tel theihna tura ruahman a ni a, environment lam inzirtirna, ṭhalaiten ramngaw leh nungchate humhim kawnga ke an pen theihna tura tih a ni.