Meghalaya : HC-in NHAI hnenah hriattirna pe

Meghalaya High Court chuan National Highways Authority of India (NHAI) chu Jowai-Ratacherra section-a NH-6 kawngpui thawmṭhat hna thawh mek chu August 18-ah zo fel tur leh, report thehlut turin a hriattir.

Nilainia public interest litigation (PIL) thehluh an ngaituahnaah, court chuan chief justice Indra Prasanna Mukerji leh justice Wanlura Diengdoh awmna bench in a ngaihtuah hnuhnung ber, April 26-ah khan Jowai aṭanga Wahiajer kawngpui siamṭhat chu 67% zawh a nih tawh bakah, Wahiajer aṭanga Ratacherra kawngpui 73% siam zawh a ni tawh tih a nih thu a tarlang.

Mahse Nilainia hearing neihah hian NHAI aiawh, Shoumen Sengupta report chuan hna thawh hi sector hmasa zawkah 75% leh a sector pahnihnaah 80% zawh a nih thu sawiin, khaw chin ṭha lo avangin hna thawh chak a harsa a, kawng siam hna zawh hun tur chu sawn hlat sak turin a ngen. Hei vang hian court chuan zawh hun tur hi a hmaa June 18 atan a lo tih chu August 18-ah a sawn hlat sak ta a ni. Hemi ni hian hna thawh zawhna, completion report pawh theh lut turin a ti bawk. Court chuan Amicus Curiae chu hnathawh mek endik tura hriattirin, counter report pawh hemi ni hian thehlut turin a ti bawk a ni.