Tripura : Power infrastructure tih changtlun a ni dawn

Tripura power minister Ratan Lal Nath chuan an state-a power transmission tih changtlunna turin Rs vbc 1,800 man project kalpui a nih tur thu a sawi.Technology thar hmangin, electric supply ti tawp kher loin a siamṭhat ngai siamṭhat hna a thawh theih dawn a ni, a ti.

Minister hian he thu hi 132 kV substation, Amarpur, Gomati district ami a hawnnaah a sawi a ni. Technology thar an hman tur chu state pumah power sevice khailak loa an neih theihna tura hma sawnna pawimawh tak tur a nih thu a sawi.

State chhunga power department tih changtlunna leh hmasawnna tur ruahman eng emaw zat an neih thu Minsiter chuan a puang bawk a, chung zingah chuan service ti buai loa siamṭhat hna thawhte, nipui laia hnathawh harsa ṭhin tih ziaawm bakah, drone hmanga tower line endik leh venhimna bakah chhiatna lo thlen pawha power tawp lohna tura mobile sub-station siam pawh a tel.

State chhungah hian 132 kV substation pariat zawhfel a ni tawh a, pahnih sak mek a ni bawk. Agartala 79 Tila aṭanga Rukhia line hlui chu cable thara thlak a ni tawh a, Ambassa aṭanga Gandachara-ah North-Eastern Council-in suma an puihna hmangin tower line thar sak mek a nih thu minister chuan a sawi bawk. Power department official te chu mipuite complaint ngaichang reng turin leh, dawhtheihna nen harsatna awmte sutkiang kawnga hna thawk turin a fuih bawk.