Assam : ONGC gas put vanga harsatna tawkte ṭanpuina pe dawn

Assam-a Sivsagar district-a Oil and Natural Gas Corporation (ONGC) gas put avanga harsatna tawk mek chhungkuate chu ṭanpuina sum Rs 25,000 pek an nih tur thu chief minister Himanta Biswa Sarma chuan a sawi.

CM Sarma chuan gas put avanga harsatna tawkte hi relief camp-ah awm lailawk tir an nih thu sawiin, ONGC leh Union Petroleum minister Hardeep Singh Puri-te chuan chhawmdawl leh ṭanpuina pek kawngah hma an la dawn tih a sawi a ni. CM chuan ṭanpuina sum hi Chief Ministers' Relief Fund aṭanga pek an nih tur thu a sawi bawk.

June 12-a ONGC gas put hi Rig No. 147 (A) leh Well No.135, Rudrasagar oil field, Barichuk, Bhatiapar aṭanga put a ni. He gas leak avang hian mi 1,500 velin harsatna an tawk mek a, chhungkaw 350 te chu relief camp-ah sawnchhuah an ni tawh.

CM Sarma chuan gas put hi tih tawp tumin theihtawpa hmalak a nih thu a sawi a, mahse a la put chhunzawm zel avangin US aṭangin mithiam chah luh an tum niin a tarlang. ONGC hmalaknaah a lawm thu a sawi bawk