Nagaland: Police-in mi pathum man

Nagaland-ah Nilaini khan Thane mi, martial arts zirtirtu kum 67 mi rubotua puh mi pathum man an nih thu police-ten an sawi. An mi mante hi Mumbai-ah hruai an ni a, an mi rukbo nia sawi kum 67 mi erawh Nagaland police-ten case dang a neih avangin an la kawl thung.

Martial arts hian police-te pawh training a pe ṭhin a, a rubotute hian Nagaland-a mau chinna hmunah investment ṭha tak tihna tur a awm niin an thlem chhuak nia sawi a ni. May 26 khan Dimapur-ah hian kalin, a thlen aṭanga ni hnih hnuah a fapa chuan a pa chu rukbo a ni tih phone call-a hriattir a nih thu a sawi. A betute hian Rs vbc 1.5 a pek loh chuan a pa chu a thah tur thu sawiin a vau tih a sawi bawk.

Police-te chuan FIR ziak lutin Mumbai crime branch hnenah an thlen nghal a, Nagaland-ah hian team thawnin rukbo nia sawi kum 67 mi an chhanchhuak ta a ni. Rukbonaa inhnamhnawih, tualchhung mi pathum chu an man nghal bawk.

Hetih mek lai hian Nagaland police-te chuan kum 67 mi hi tualchhunga chengte bumin,bamboo plantation siamna tur tiin Rs nuai 20 a laksak niin an sawi ve thung a,Nagaland-ah hian an hreng zui a ni.