NSCN (IM)-te'n Naga te enhrangah Manipur CM puh

National Socialist Council of Nagaland - Isak-Muivah (NSCN-IM) te chuan thuchhuah siamin, Manipur Chief Minister Okram Ibobi Singh chuan Imphal-a Naga chengte chu chhan mumal awm loin a man tir a, a hrem thin a ni, an ti.

NSCN (IM) chuan Manipur CM chu Naga te hmusit leh enhrangah puhin, an mi leh sa te lakah uchuak taka a thuneihna hmangah an puh. Naga an nih vanga man, pawisawi lo hren mek te chu chhuah turin Manipur sorkar an phut tih sawiin, tun hnuah chuan thleng tawh lo se an duh thu National Socialist Council of Nagaland - Isak-Muivah thuchhuah chuan a tarlang. Manipur CM Ibobi hian kar kalta khan Ukhrul district-ah beih tawkin, he thil thengah hian NSCN-IM-te hi mawhphurtuah puh an ni.