Nagaland CM-in a cabinet minister ban

Nagaland Chief Minister T.R. Zeliang chuan BJP MLA, Mmhon-lumo Kikon chu parlia-mentary secretary a nihna hlihsak a nih thu kar kalta Zirtawpni khan a sawi.

BJP MLA, Mmhon-lumo Kikon hi Zeliang-a Cabinet minister zinga mi niin, Labour Employment, Skill Development & Entrepreneurship leh Border Affairs te a enkawl a ni. Ban a nih thu hi cabinet secretary R.B. Thong chuan October 28, 2016 khan a puang a, Kikon hi sorkar kalh zawngin a che nia tarlan a ni. Nagaland-a rorel lai Alliance of Nagaland (DAN)-ah hian BJP chuan MLA pali a nei mek a ni.

Nagaland state unit BJP president Visasolie Lhoungu chuan Kikon ban a nih chungchangah hian hma lak nghal a nih tur thu sawiin, party aiawhte chuan CM an dawr thuai dawn tih a sawi. Oil tihchingpen chungchangah Kikon lakah hian PIL thehlut an awm nia tarlan a ni bawk.

Kum 2015 kum tir lam khan NPF MLA eng emaw zat chu CM T.R. Zeliang-a lakah helin, an nihna aṭanga ban an ni. Hetih lai hian BJP MLA pathum te chu cabinet minister atan lakluh an ni. Skill Development & Entrepreneurship leh Border Affairs minister ban a nih leh tak avang hian BJP chuan minister pahnih chauh a nei dawn ta a ni.