Meghalaya-ah current-in nufa man hlum

Megahalaya-a East Khasi Hills district-ah kar kalta Ningani khan current-in nufa a man hlum a, an vai hian mi panga an ni.

Current man te hi Trisdolin Shangpliang (35) leh a fate pali - Kamulstar (9), Snge-wbhalang (8), Bedin-gstar (5), Shishalin (2) te an ni. Shangpliang hian fa thla sarih mi a pai mek bawk nia tarlan a ni. Shangpliang te nufa hi an chenna bul hnaia transformer atanga current kal sualin a man niin District Magistrate Peter S. Dkhar chuan a sawi. He thil thleng hi chhui chian a nih tur thu sawiin, thi chhungte hnenah zángnadawmna pek a nih tur thu S. Dkhar chuan a sawi bawk.