Nagaland Congress-in MGNREGA fund lak ṭhen sak sawisel

Nagaland Pradesh Congress Committee (NPCC) chuan phalna nei loa Mahatma Gandhi National Rural Employment Guarantee Act (MGNREGA) hnuaia hamṭhatna dawngtute sum dawn tur tih tlem sak an ni chu na takin an sawisel.

June 7 khan Kacharigaon Phevima Village Council chuan Rural Development Department-a official-te chuan welfare fund sem tur hi dan loin an lo la ṭhen tih an sawi a ni. He thil hi NPCC chuan na taka sawiselin, Rural Development Department chhungah eirukna nasa tak a awm thu an sawi a ni. Sum sem tur an lo laksak ngawt chu thuneihna hmansualna a ni, an ti.

MGNREGA fund hi infrastructure hmasawnna tura a bulṭhut pawimawh tak a nih thu NPCC chuan an sawi a, tlingtlanga chengte nitin nun hmasawnna atan a ṭangkai thu an sawi bawk. Heng sum dik lo taka hman a nih avang hian a dawngtu tur dik takin an dawn loh phah a ni tiin, state sorkar leh Rural Development Minister te chu rang taka hmala turin an ngen. Fund lo pawhheknaa inhnamhnawihte chu na taka hrem an phut bawk. Thingtlanga chengte dikna chanvo humhalh sak a, dik taka ro rel sak turin an phut thu an tarlang.