Meghalaya : Business Communication and Presentation Skills workshop nei

Meghalaya Chief Minister’s Business Catalyst Initiative hnuaiah May 19-30 chhung khan Business Communication and Presentation Skills workshop neih a ni. He program-ah hian MIT University, Martin Luther Christian University (MLCU), leh William Carey University te an tel. Workshop hi Dr. Cassie DeFilippo leh U.S Department of State te kaihhruaia neih a ni a, PRIME Meghalaya leh Meghalaya sorkar ṭangkawpin an buatsaih a ni.

Workshop in a tum ber chu zirlaite thiamna zau zawka tih pun niin sumdawnna, tourism, finance leh marketing lamah thiamna ṭha zawk an neih theihna tura ruahman a ni. Hei bakah hian proposal writing, formal leh informal a ṭawng dan hriat hran inzirtir, sumdawnna lama thiamna zau zawk neih leh AI hmanga inbiakpawhna tih chak te a ni bawk.

Tunlai thiamna sang zawk leh changkang zawk hmanga hnathawh dan in hriattir te, hnathawhna hmuna thiamna pawimawh neih leh rintlak nih theih dan tur te an zirtir bakah, zirlaite chuan he hunah hian an thiam thil leh anmahni ngaihtuah chhuah thilte an entir bawk. He hmalakna hi Meghalaya ṭhangthar lo awm zel turte hmakhaw ngaia buatsaih a ni a; mahni inrintawkna, thiamna leh rilru sukthlek dik in puttir dan te an zirtir bawk a ni.