Meghalaya CM-in Anganwadi worker-te smartphone sem

Meghalaya chief minister Conrad K Sangma chuan East Garo Hills-a Samanda-a hun a hmannaah district chhunga Anganwadi worker-te hnenah smartphone a sem.

Chief Minister Sangma chuan Ministry of Women and Child Development chuan Anganwadi worker 6,162-te hnena smartphone semna tur hian Rs vbc 6 a pek thu sawiin, smartphone hian worker-te hnathawhna kawngah pawh a puih theih ngeia beisei thu a sawi. An smartphone-ah hian POSHAN App dahsak nghal an ni a, hei hi data record-na atan hmangin an ziah chawp ngai ṭhin thlakna atana an hmang dawn a ni, a ti. He app hi an hna thawh hrang hrang report-na atan, naupangte ei tur pek dan, hriselna dinhmun leh welfare progamme hrang hrang enna atante a ṭangkai dawn hle tih a sawi.

St George Higher Secondary School-a an hun hmanah hian CM chuan Anganwadi centre hrang hrang tan IIT Innovation ECO H2O Filter a sem bawk. Hei bakah St George Higher Secondary School building thar pawh a hawng nghal bawk a ni. An hun hman hi social welfare minister Paul Lyngdoh leh public health engineering minister Marcuise Marak-ten an hmanpui bawk.