Assam: CM-in 'Operation Sindoor' exhibition a hawng

Assam chief minister Himanta Biswa Sarma chuan Nilaini khan India sipaite chawimawina atan, State BJP headquarters-ah Operation Sindoor exhibition a hawng. He exhibition-ah hian tun hnaia Pahalgam-a firfiakte'n pawikhawihna rapthlak tak an thlen hnua India sipaite huaisenna leh remhriatnate pholan a ni.

Chief Minister Sarma chuan, "Pahalgam-a firfiakte'n pawikhawihna an thlen hnuah, prime minister Narendra Modi kaihhruaina hnuaiah kan sipaite chuan huaisenna nasa tak lantirin, Pakistan an tlawm tir a, kan missile system, defence infrastructure, leh kan sipaite huaisenna entawn tlak tak chuan Pakistan ram firfiak infrastructure a tichhia a ni," tiin a sawi. Chief Minister chuan ram venhimna lama India sipai theihna ropui tak hmu turin mipuite chu exhibition tlawh turin a chah.

Assam Chief Minister leh BJP state president Dilip Saikia hoin, Pahalgam-a firfiakte pawikhawihna thlen chhan letna atana India sipaite'n 'Operation Sindoor' an kalpui hlawhtlinna pualin Nilaini khan state khawpuiah 'Tiranga Yatra' an huaihawt tawh bawk a, Adabari leh Jalukbari inkara kawngzawhah hian party worker-te an tel ṭha hle.