Manipur-ah tuilianin lei hnawl

Manipur-ah Thawhṭanni zan khan Khujairok lui lian chuan Manipur-Myanmar border-a Chavangphai khaw kalpawhna lei a hnawl bakah, chenna in eng emaw zat a tichhia.

Police lam chuan thi leh hliam tuar an awm an hriat loh thu an sawi. Khujairok lui hian hlauhawm chhinchiahna a pel tih sawiin, a kianga chengte chuan hmun him lam an pan a ni. Tuilian hian Chavangphai khuaah chenna in paruk a tichhia a, he khua hi international border kianga awm a ni. Chavangphai khaw panna Moreh Ward No.5-ah tuilian hian lei a hnawl a, a siam ṭhat leh nan hun a mawmawh rei deuh dawn tih tarlan a ni. Chhiatna thlenna hmun hi sorkar mi pawimawhte chuan tlawh nghalin, chhawmdawlna awm thei ang te an ngaihtuah sak. In leh lo chante hnenah zángnadawmna pek a nih tur thu state sorkar chuan a puang bawk.