Meghalaya-ah kum 2025 chhungin khualzin maktaduai 2 vel thlen tum

Meghalaya tourism minister Paul Lyngdoh chuan Zirtawpni khan kuminah khualzin maktaduai 2 vel an thleng thei dawn niin a sawi.

State sorkarin kumin chhunga Meghalaya-in khualzin maktaduai 2 a hip theihna tura beiseina a neih chhan chu, infrastructure tih changtlun leh khawpui enkawlna bakah tourism service tihchangtlunna tura hmalakna thar kalpui a nih vang a ni. Minister Lyngdoh chuan, "Kuminah hian state tlawhtu mi nuai 20 an tlin theih kan ring tlat a ni," tiin tourism department chuan tourism calendar chu kar hnih chhungin a ti chhuak dawn tih a sawi bawk.

Minister hian khualzinte hnena on-the-ground assistance pekna tura ruahman, "Tourist Buddies" hmalakna kalpui dan tur a sawi bawk. "Tourist Buddies" 50 lakna tur hna kan thawk ṭan tawh a, thuneitute chuan hmun lar tak tak Wards Lake, Golf Links, leh Khyndai Lad-ah te a dah dawn a, tlawhtute ṭanpui leh kaihhruaina an pe ang," tiin a tarlang.

Hei bakah hian khawpui boruak leh kea kalte tana hmalakna pawimawh takah Khyndai Lad (Police Bazaar) chu kea kal theihna hmuna thlak tur a nih thu a tarlang bawk.