Sikkim Governor-in Nathula tlawh

Sikkim governor, Om Prakash Mathur chuan May 4 khan Nathula a tlawh a, Indian Army-te nen an inkawm. Raj Bhavan thuchhuah tarlan danin, Governor chuan sipaite inpekna, huaisenna leh hnam tana an rinawmna chu lawmawm a tih thu a tarlang.

He huna tel 17th Mountain Division General Officer Commanding, major general M S Rathore chuan Governor hnenah Nathula chanchin ropui tak chu chipchiar takin a hrilh niin a tarlang bawk.

Governor chuan Baba Harbhajan Singh-a biak in a tlawhin Kupup khua a tlawh bawk a, tualchhung mite nen pawh inkawm hona hun an nei bawk a ni. Yak Golf Course pawh a tlawh tel bawk.

Inkawm hona hun an neih chhung hian khawtlang hruaitute leh mipuite chuan harsatna an tawh hrang hrang an sawi a, nitin mamawh leh hna awm theih dan tur te pawh an sawi tel a ni. 'Developed Sikkim, developed India' tih thupui ti hlawhtling turin state sorkar leh Indian Army te nen thawhhona ṭha nei turin khaw mipuite a ngen bawk.