Assam : Dima Hasao-ah NSCN (IM) cadre nia rinhlelh pathum thi

The National Socialist Council of Nagaland (NSCN) mi leh sa nia rinhlelh pathum, National Highway Authority of India-a dan phalloh sum inkhawnsaknaa inhnamhnawih, Assam-ah an lut nia sawi chu Thawhlehni khan Dima Hasao district-ah security force-te nen inkapin, an pathum hian an thi tih officer te chuan an sawi.

State police leh Assam Rifles-a special unit-te'n darkar 60 vel zet firfiakte zawn hna an thawhna ațangin AK 47 rifle, pistol leh a mu bakah ralthuam dahkhawmna hmun an hmuchhuak bawk. He inbeihna hi N. Khubing khua leh Herekilo khaw inkar, Haflong police station huamchhunga thleng a ni.

Hemi hnu hian press release tichhuakin, Assam Police Chief Public Relations Officer chuan NSCN pawl pakhatin Dima Hasao-a Golden Quadrilateral project kalpui mek NHAI hnenah chhiah inkhawnsakna lehkhathawn an pe tih a sawi. Official dang chuan hun rei tak an inbeihna leh an lam ațanga silai hmehpuah nasa tak a awm avangin firfiak tam zawk an awm theih thu sawiin, zawnchhuahhna la kalpui zel a nih thu a sawi bawk.

He thil thleng vang hian tualchhung mipuite chu an lungawi lo hle a, Dima Hasao hi district ralmuang tak a ni a, tumahin buaina leh thisen chhuahna an duh lo," tiin a sawi.