Tripura: School infrastructure tih changtlun hna thawk

Tripura chief minister Manik Saha chuan April 22, Thawhlehni khan Amtali Higher Secondary School building sak thar chu hawngin, state-in zirna infrastructure tih changtlun lam a ngai pawimawh tih a tilang a ni, a ti.

Chief Minister hian state pumah school panga dang, Henry Derozio Academy, Gandhigram Higher Secondary School, Taltala Higher Secondary School, Indranagar High School, leh Nandan Nagar Higher Secondary School te tan building thar chu virtual-in a hawng bawk.

Zirlaite, zirtirtu leh khawtlang mipuite telna inkhawm neihah CM Saha chuan, "Zirna hi khawtlang chak leh hmasawnnan a pawimawh a, kan sorkar chuan zirlaite hmasawnna a awm theih nan zirna hmun ṭha zawk leh hmanraw changkang zawk siam hi a tum ber a ni," a ti.

Official-te chuan facility tharte hian sorkarin zirna siamṭhat hna a thawh mek chu a pui dawn tih an sawi a, heng zingah hian zirtirtu training programme leh digital resource implementation te pawh a tel.