Meghalaya : Khawtlang enkawl SSA school-te'n NOC theh lut

Meghalaya state-a khawtlang enkawl SSA school 3000 zinga 2000 chuangin an inkaihhruai dan chu state education department kutah hlanin, no-objection certificate (NOC) an theh lut.

Meghalaya SSA Schools Association president, Aristotle C. Rymbai chuan commissioner & secretary in-charge education, Vijay Kumar Mantri kaihhruaiin DSEO, SDSEO leh zirtirtu pawl pathum, All Meghalaya SSA School Teachers Association (AMSSASTA) leh Meghalaya Fourth Teachers Association (MFTA) te nen meeting an neih hnuah a hriattir a ni.

“Vawiin khan commissioner & secretary chuan khawtlang enkawl school aṭanga NOC lakkhawm chungchangah data sawilangin, SSA aṭanga inrelbawlna chu education department hnena hlan an duh thu an sawi a, state puma khawtlang enkawl school 3000 chuang zingah school 2000-in an duh tawh a ni,” tiin Rymbai chuan thuthar thehdarhtute a hrilh. East Khasi Hills-a private school 23 pawhin SSA aṭanga inrelbawlna hi education department hnena hlan duhna an thehlut tawh bawk, tiin a sawi.