Sikkim : Statehood car rally hmasa ber nei dawn

Sikkim chuan tun kar chhung hian a vawi khatna atan state kum 50 tlin lawmna pualin car rally a buatsaih dawn. Mountain Rush tia vuah rally hi April 23-ah Gangtok Ridge Park aṭangin official-in ṭan a ni ang.

Federation of Motor Sports Clubs of India (FMSCI) enkawlna hnuaia buatsaih, he rally-ah hian Time, Speed, Distance (TSD) format zawm a ni ang. Official-te sawi danin, rally-a tel thei zingah national champion an tam ber dawn a ni.

Chief minister Prem Singh Tamang press secretary Yougan Tamang chuan, “Rally hian state chhung tourism a ti hmasawn thei dawn a ni” tiin “FMSCI sawi dan chuan Sikkim khawpui terrain hi motorsports tan theihna lantirna tur a siam a ni," a ti.

Multi-day event hian Sikkim district paruk a huam dawn a, Lachung, Ravangla, Soreng, Namchi, leh Pakyong telin hmun pawimawh tak tak a huam dawn a ni. Kawngpui hi driver-te mai bakah state chhunga ramngaw pholanna tur leh thingtlang tourism tihhmasawn nan uluk taka siam a nih thu a buatsaihtute chuan an sawi.

Official-te chuan Sikkim chu motorsports map-a nghet taka dah theihna hun remchang niin an ngai a; state tlangram, hmun hla tak tak, leh kawngpuiah te inelna neia lirthei khalh theihna tur boruak danglam tak siam a ni dawn a, FMSCI chuan ram pum huap intlansiak dan zawm a nih theih nan a pui bawk.